hönnun og hugmyndafræði
KRADS arkitektar hafa unnið útlit og skipulag svæðisins í samvinnu við landeigendur og er um einstaka hönnun og hugmyndafræði að ræða.
Mikil áhersla er lögð á virðingu fyrir náttúrunni þegar kemur að vegagerð, vinnu við byggingarreiti og vali á byggingarefni.
Lóðirnar eru hringlaga með það að markmiði að upplifun á víðáttu og flæði haldist. Allt skipulag miðast við að byggðin renni saman við umhverfið og lagi sig að náttúrunni með sem minnstu raski.
Fyrir neðan Hvalfjarðarveg eru 18 lóðir í fyrri áfanga verkefnisins.
Þar af eru 6 sjávarlóðir.
Lóðirnar 30 sem eru fyrir ofan veg fara í sölu 2026.
Sjá má skipulag nánar á yfirlitsteikningu.
Göturnar á svæðinu fyrir neðan veg eru tvær og hlykkjast þær um á milli lóðanna með það að markmiði að umferðin haldist hæg og flæðandi innan hverfisins.
Við Silungalæk eru 5 lóðir, gatan dregur nafn sitt af læknum sem rennur meðfram svæðinu að austanverðu. Við Djúpugróf eru 13 lóðir og dregur gatan nafn sitt af litlum skjólsælum dal sem er fyrir miðju svæðinu. Landeigandi á hlýjar minningar frá smalamennsku í æsku, þegar eitthvað var að veðri þá gat hann haldið rakleiðis í Djúpugróf þar sem kýrnar höfðu leitað skjóls.
Lóðirnar eru í þremur stærðum og er leyfilegt byggingarmagn í hlutföllum við stærð lóðar.
0.5ha (5000m2) 200m2 + 50m2 aukahús
0.75ha (7500m2) 250m2 + 75m2 aukahús
1 ha (10.000m2) 300m2 + 100m2 aukahús
Aukahús getur verð t.d. bílskúr, bílskýli, geymsla, gufubað, vinnustofa eða annað samskonar rými til einkanota.
SAMEIGINLEG SVÆÐI
Vegna hringsformsins á lóðunum myndast ósnert landsvæði á milli þeirra og verður leitast við að halda í þau til að missa ekki dreifbýlisyfirbragð svæðisins. Rýmið milli lóðanna er alltaf að lágmarki 10 m sem þýðir að flæði og aðgengi er gott þar sem íbúar munu njóta stærra svæðis en afmörkuð lóð þeirra.
Tilvalið er að nálgast gönguleiðir og opin rými sem sameign og verða t.a.m. gönguleiðir afmarkaðar til þess að auðvelda aðgengi að strönd og öðrum sameiginlegu svæðum. Mögulegt er að koma fyrir sameiginlegri aðstöðu eins og leiktækjum, geymsluskúrum, grillaðstöðu, bekkjum við útsýnissvæði ásamt svæði sem byði upp á ræktun grænmetis og matjurta.
Lóðaeigendur munu í sameiningu við landeiganda þróa svæðið svo megi þjóna þörfum þeirra og sýn á það nærsamfélag sem óskað er eftir.
GRÓÐURSETNING OG AFMÖRKUN LÓÐA
Til þess að tryggja léttleika og víðáttu í ásýnd byggðar-innar verður lagt til að nota láreistan runnagróður og þannig afmarka lóðir samkvæmt skilmálum deiliskipulags.
Runnar og tré verði gróðursett sitt á hvað inná lóðum og ekki samfellt til að halda sýnileika gegnum hverja lóð. Ekki verður heimilt að afmarka lóðir með girðingum eða skjólveggjum, gróðursetja má hærri gróður í nálægð við íbúðarhús en varast skal að skyggja á útsýni nágranna né valda þeim skuggavarpi.
Mælst verður til þess að íslenskar gróðurtegundir verði notaðar til þess að afmarka lóðir svo sem Gulvíðir, Einir, Loðvíðir og Birki.